*🔴ਵਿਸ਼ਵ ਏਡਜ਼ ਦਿਵਸ ਤੇ ਵਿਸ਼ੇਸ਼🔴* ਅਨਿਲ ਧਾਮੂੰ ਦੀ ਕਲਮ ਤੋਂ 🔴

 ਬੋਲਦਾ ਪੰਜਾਬ ਬਿਊਰੋ 

ਅੱਜ ਵਿਸ਼ਵ ਏਡਜ ਦਿਵਸ ਤੇ ਯਾਦ ਰੱਖਣ ਯੋਗ ਗੱਲ ਏਡਜ ਤੇ ਕੁਝ ਕੰਟਰੋਲ ਹੋਣ ਦਾ ਵੱਡਾ ਕਾਰਨ ਇਹ ਹੈ ਕਿ ਲੋਕਾਂ ਨੂੰ ਏਡਜ ਦੇ ਫੈਲਾਅ / ਨੁਕਸਾਨ ਬਾਰੇ ਜਾਗਰੂਕ ਕਰਨ ਵਿਚ ਸਿਹਤ ਵਿਭਾਗ ਦਾ ਮੀਡੀਆ ਵਿੰਗ ਨੇ ਅਹਿਮ ਭੂਮਿਕਾ ਨਿਭਾਈ ਹੈ। ਏਡਜ ਦੀ ਅਜੇ ਤੱਕ ਕੋਈ ਭਾਵੇਂ ਕੋਈ ਵੈਕਸੀਨ ਜਾਂ ਪੁਖ਼ਤਾ ਦੁਆਈ ਵੀ ਨਹੀਂ ਹੈ ਇਸੇ ਕਰਕੇ ਇਲਾਜ ਵੀ ਬਹੁਤ ਸੀਮਤ ਹੈ। ਡਬਲਯੂ. ਐਚ. ਓ. ਦਾ ਇਸ ਸਾਲ ਦਾ ਥੀਮ ਵੀ  *“Let communities  lead “* ਹੈ। 
ਭਾਰਤ ਸਰਕਾਰ ਦੇ ਨੈਕੋ ( NACO - national aids control programme ) ਜੋ ਕਿ ਸੈਂਟਰ ਦੇ ਸਿਹਤ ਅਤੇ ਪਰਿਵਾਰ ਭਲਾਈ ਵਿਭਾਗ ਹੇਠ ਕੰਮ ਕਰਦਾ ਹੈ ਤੇ ਸਟੇਟ ਲੈਵਲ ਤੇ ਏਡਜ ਕੰਟਰੋਲ ਸੁਸਾਇਟੀਆਂ ਬਣੀਆਂ ਹੋਈਆਂ ਜਿਹੜੀਆਂ ਸਿੱਧੇ ਤੌਰ ਤੇ ਨੈਕੋ ਹੇਠ ਕੰਮ ਕਰਦੀਆਂ ਹਨ।

ਐਚ. ਆਈ. ਵੀ. (Human  Immuno Deficiency Virus) ਇੱਕ ਵਾਰਿਸ ਹੈ ਤੇ ਇਸ ਨਾਲ ਜੋ ਬਿਮਾਰੀ ਹੁੰਦੀ ਉਸ ਨੂੰ ਏਡਜ ਕਹਿੰਦੇ ਹਨ (Acquired Immuno Deficiency Syndrome) ਇੱਕ ਬਿਮਾਰੀਆਂ ਦਾ ਸਮੂਹ ਹੈ। ਜਦੋਂ ਸਰੀਰ ਦਾ ਸੁਰੱਖਿਆ ਸਿਸਟਮ, ਵਾਰਿਸ ਵਧਣ ਕਰਕੇ ਕੰਮਜੋਰ ਹੋ ਜਾਂਦਾ ਤਾਂ ਕਈ ਕਿਸਮ ਦੀਆਂ ਇਨਫੈਕਸ਼ਨਾਂ ਕੈਂਸਰ ਆਦਿ ਸਰੀਰ ਨੂੰ ਲੱਗ ਜਾਂਦੀਆਂ ਹਨ ਤੇ ਅੰਤ ਮੌਤ ਦਾ ਕਾਰਨ ਬਣਦੀਆਂ ਹਨ। ਇਸੇ ਕਰਕੇ ਏਡਜ ਦਾ  ਦੂਜਾ ਨਾਮ ਮੌਤ ਹੈ। ਪਰੰਤੂ ਅੱਜ ਕੱਲ ਏਡਜ ਦੇ ਇਲਾਜ ਨਾਲ ਭਾਵੇਂ ਏਡਜ ਪੂਰੀ ਖਤਮ ਨਹੀ ਹੁੰਦੀ ਪਰ ਆਦਮੀ ਫਿਰ ਵੀ ਮਰੀਜ਼ ਆਮ ਅਤੇ ਲੰਬੀ ਜ਼ਿੰਦਗੀ ਜਿਓ ਸਕਦਾ ਹੈ । *AIDS can be treated but not cured*

*🔴ਕਿਹਨਾਂ ਲੋਕਾਂ ਨੂੰ ਐਚ ਆਈ ਵੀ / ਏਡਜ  ਜਿਆਦਾ ਹੋ ਸਕਦੀ:—*
👉ਜੋ ਔਰਤਾਂ ਆਦਮੀ ਸੈਕਸ ਦਾ ਧੰਦਾ ਕਰਦੇ ਹਨ ਜਾਂ ਇੱਕ ਤੋਂ ਜ਼ਿਆਦਾ ਆਦਮੀ ਔਰਤਾਂ ਨਾਲ ਸੰਭੋਗ ਕਰਦੇ ਹਨ।
👉ਨਸ਼ੇ ਦੇ ਟੀਕੇ ਗਰੁਪਾਂ ਵਿਚ ਲਾਉਂਦੇ ਹਨ।
👉ਆਦਮੀ ਆਦਮੀ ਨਾਲ ਸੰਭੋਗ  ਕਰਦੇ ਹਨ।
👉ਏਡਜ ਪੀੜਤ ਗਰਭਵਤੀ ਮਾਂ ਤੋਂ ਪੇਟ ਵਿੱਚ ਪਲ ਰਹੇ ਬੱਚੇ ਨੂੰ।

*🔴ਏਡਜ ਦਾ ਫੈਲਾਅ ਹੇਠ ਲਿਖੇ ਕਾਰਨਾਂ ਕਰਕੇ ਹੁੰਦਾ:-*
👉ਅਸੁਰੱਖਿਅਤ ਸੰਭੋਗ।
👉ਅਨਸਟਰਲਾਈਜਡ ਸਰਿੰਜਾਂ ਤੇ ਸੂਈਆਂ ਦਾ ਪ੍ਰਯੋਗ।
👉ਬਿਨਾ ਟੈਸਟ ਕੀਤਾ ਖੂਨ ਚੜ੍ਹਾਉਣਾ।
👉ਗਰਭਵਤੀ ਮਾਂ ਤੋਂ ਨਵਜਾਤ ਬੱਚੇ ਨੂੰ।

ਐਚ ਆਈ ਵੀ ਵਾਰਿਸ ਜਦੋਂ ਸਰੀਰ ਵਿੱਚ ਦਾਖ਼ਲ ਹੁੰਦਾ ਹੈ ਤਾਂ ਕਈ ਵਾਰੀ ਸ਼ੁਰੂ ਵਿੱਚ  (acute stage ) ਹੀ ਨੁਕਸਾਨ ਕਰਦੀ ਤੇ ਕਈ ਵਾਰ ਲੰਬੇ ਸਮੇਂ  ( chronic ) ਤੋਂ ਬਾਅਦ। 
*🔴ਪਰ ਜੇਕਰ ਤੁਹਾਡੇ ਸਰੀਰ ਵਿੱਚ ਹੇਠ ਲਿਖੀਆਂ ਨਿਸ਼ਾਨੀਆਂ ਹਨ ਤਾਂ ਟੈਸਟ ਜ਼ਰੂਰ ਕਰਵਾਓ:-*
👉ਲਗਾਤਾਰ ਬੁਖ਼ਾਰ ਹੋਣਾ।
👉ਲਗਾਤਾਰ ਭਾਰ ਘੱਟਣਾ।
👉ਲਗਾਤਾਰ ਭੁੱਖ ਨਾ ਲੱਗਣਾ। 
👉ਲਗਾਤਰ ਥਕਾਵਟ ਰਹਿਣਾ। 
👉ਲਗਾਤਾਰ ਨੀਂਦ ਖਰਾਬ ਰਹਿਣਾ। 
👉ਸਰੀਰ ਤੇ ਬਣੇ ਜਖਮ ਦਾ ਠੀਕ ਨਾ ਹੋਣਾ।
👉ਮੂੰਹ ਵਿਚ ਲਗਾਤਾਰ ਛਾਲੇ ਬਣਨਾ। 
👉ਲਗਾਤਰ ਦਿਮਾਗੀ ਤੌਰ ਤੇ ਕੰਮਜੋਰ ਹੋ ਜਾਣਾ। 
ਆਦਿ ਆਦਿ
ਉਪਰੋਕਤ ਅਲਾਮਤਾਂ ਦੌਰਾਨ ਜਾਂ ਫਿਰ ਡਾਕਟਰੀ ਸਲਾਹ ਨਾਲ ਐਚ ਆਈ ਵੀ ਦਾ ਟੈਸਟ ਕਿਸੇ ਵੀ ਮੰਨਜੂਰਸ਼ੁਦਾ ਲੈਬ ਜਾਂ ਸਰਕਾਰੀ ਹਸਪਤਾਲਾਂ ਵਿਚ ਆਈ ਸੀ ਟੀ ਸੀ ( ICTC -Integrated Counselling and Testing Centre ) ਵਿੱਚ ਕਰਵਾਓ ਜੋ ਕਿ ਮੁਫ਼ਤ ਹਨ ਤੇ ਤਕਰੀਬਨ ਸਾਰੇ ਸਰਕਾਰੀ ਹਸਪਤਾਲਾਂ ਵਿੱਚ ਹੁੰਦੇ ਹਨ ਏਡਜ ਦਾ ਟੈਸਟ ਕਿਸੇ ਦੀ ਮਰਜੀ (consent-informed and written)  ਬਗੈਰ ਨਹੀ ਕੀਤਾ ਜਾ ਸਕਦਾ। *“ਇਕ ਹੋਰ ਵੀ ਯਾਦ ਰੱਖਣ ਯੋਗ ਗੱਲ  ਏਡਜ ,ਸੂਗਰ ਅਤੇ ਟੀਬੀ  ਦੀਆਂ ਬਿਮਾਰੀਆਂ ਦਾ ਬਹੁਤ ਖਤਰਨਾਕ ਤਿਕੋਨ ਹੈ ।”*
ਜੇਕਰ ਐਚ ਆਈ ਵੀ ਪੋਜੇਟਿਵ ਹੋਵੇ ਤਾਂ ਫਿਰ ਏ. ਆਰ  ਟੀ.  ( ART -anti retro viral treatment )  ਸੈਂਟਰ ਜ਼ਰੂਰ ਜਾਓ ਜਿਥੇ ਸੀ ਡੀ ਫੋਰ  ਸੈੱਲਾਂ ( CD4 )ਦੀ ਚੈਕਿੰਗ ਹੋਵੇਗੀ ਜੋ ਦੱਸੇਗੀ ਕਿ ਤੁਹਾਨੂੰ ਇਲਾਜ ਦੀ ਜ਼ਰੂਰਤ ਹੈ ਜਾਂ ਨਹੀਂ। ਏ ਆਰ ਟੀ ਸੈਂਟਰ ਜਿਲੇ  ਦੇ ਸਰਕਾਰੀ ਹਸਪਤਾਲਾਂ ਵਿੱਚ ਹਨ। ਯਾਦ ਰੱਖੋ ਏਡਜ ਦੇ ਟੈਸਟ ਅਤੇ ਇਲਾਜ ਮੁਫ਼ਤ ਹਨ ਤੇ ਸਰਕਾਰੀ ਹਸਪਤਾਲਾਂ ਵਿੱਚੋਂ ਮਿਲ ਜਾਂਦੇ। 
*ਏਡਜ ਦਾ ਮਰੀਜ਼ ਚੰਗਾ ਜੀਵਨ ਜੀਅ ਸਕਦਾ ਜੇ ਸਾਵਧਾਨੀਆਂ ਰੱਖੇ।*
*🔴ਏਡਜ ਦਾ ਬਚਾਅ:-*
👉ਸੁਰਿਖਅਤ ਸੈਕਸ
👉ਸਾਫ ਤੇ ਟੈਸਟਡ ਖ਼ੂਨ 
👉ਸਾਫ ਸੂਈਆਂ 
👉ਗਰਭਵਤੀ ਮਾਂ ਦਾ ਐਚ ਆਈ ਵੀ  ਟੈਸਟ। 
ਜਿਵੇਂ ਮੰਨਿਆ ਗਿਆ ਕਿ ਏਡਜ ਦਾ ਵੱਡਾ ਫੈਲਾਅ ਸੈਕਸ ਰਾਂਹੀ ਹੁੰਦਾ ਜਿਸ ਵਾਸਤੇ ਦਸਮ ਗ੍ਰੰਥ ਵਿਚ ਗੁਰੂ ਗੋਬਿੰਦ ਸਿੰਘ ਜੀ ਵੱਲੋਂ  ਲਿਖੇ ਔਰਤਾਂ ਦੇ ਚਰਿੱਤਰ ਵਿਚ ਲਿਖਿਆ: *_“ਨਿਜ ਨਾਰੀ ਕੇ ਸਾਥ ਨੇਹੁ ਤੁਮ ਨਿਤ ਬਢੈਯਹੁ। ਪਰ ਨਾਰੀ ਕੀ ਸੇਜ ਭੂਲਿ ਸੁਪਨੇ ਹੂੰ ਨ ਜੈਯਹੁ ।51“_* 

ਜੋ ਏਡਜ ਬਚਾਅ ਲਈ ਮਾਨਵਤਾ ਲਈ ਬਹੁਤ ਵੱਡਾ ਸੰਦੇਸ਼ ਹੈ 

*🔴ਜੇਕਰ ਉਪਰੋਕਤ ਸਾਵਧਾਨੀਆਂ ਵਰਤੀਆਂ ਜਾਣ ਤੇ ਚੰਗੀ ਖੁਰਾਕ ਨਾਲੇ ਚੰਗਾ ਸਮਾਜਿਕ ਵਰਤਾਓ ਉੱਪਰੋਂ ਡਾਕਟਰਾਂ ਦੀ ਸਲਾਹ ਤਾਂ  ਏਡਜ ਤੋਂ ਬੱਚ ਸਕਦੇ ਤੇ ਲੰਬਾ ਜੀਵਨ ਜਿਓ ਸਕਦੇ।*
ਅਨਿਲ ਧਾਮੂੰ
ਹੈਲਥ ਅਵਰੇਨੇਸ ਅਤੇ ਅਡਵਾਈਜਰ
ਅਬੋਹਰ ( ਜਿਲ੍ਹਾ ਫ਼ਾਜ਼ਿਲਕਾ)