ਤਾਜਾ ਖਬਰਾਂ
ਮੈਕਸੀਕੋ ਸਿਟੀ, 14 ਅਕਤੂਬਰ : ਮੈਕਸੀਕੋ ’ਚ ਪਿਛਲੇ ਹਫ਼ਤੇ ਹੋਏ ਮੋਹਲੇਧਾਰ ਮੀਂਹ ਕਾਰਨ 64 ਲੋਕ ਮਾਰੇ ਗਏ ਤੇ 65 ਲਾਪਤਾ ਹਨ। ਸਰਕਾਰ ਨੇ ਸੋਮਵਾਰ ਨੂੰ ਦੱਸਿਆ ਕਿ ਭਾਰੀ ਮੀਂਹ ਕਾਰਨ ਵੀ ਜ਼ਮੀਨ ਖਿਸਕੀ ਹੈ। ਕੁਝ ਨਗਰਪਾਲਿਕਾਵਾਂ ’ਚ ਬਿਜਲੀ ਸਪਲਾਈ ਬੰਦ ਹੋਈ। ਕਈ ਨਦੀਆਂ ਦਾ ਪੱਧਰ ਵਧ ਗਿਆ ਹੈ। ਮੈਕਸੀਕੋ ਦੇ ਅਧਿਕਾਰੀਆਂ ਨੇ ਮੀਂਹ ਕਾਰਨ ਸਭ ਤੋਂ ਵੱਧ ਪ੍ਰਭਾਵਿਤ ਖੇਤਰਾਂ ਨੂੰ ਖਾਲੀ ਕਰਵਾਉਣ, ਸਾਫ਼ ਕਰਨ ਤੇ ਨਿਗਰਾਨੀ ਕਰਨ ’ਚ ਮਦਦ ਲਈ ਹਜ਼ਾਰਾਂ ਮੁਲਾਜ਼ਮਾਂ ਨੂੰ ਤਾਇਨਾਤ ਕੀਤਾ ਹੈ। ਇਹ ਮੀਂਹ ਪਿਛਲੇ ਹਫਤੇ ਤੋਂ ਲਗਾਤਾਰ ਜਾਰੀ ਹੈ।
ਕਿਹੜੇ ਰਾਜ ਸਭ ਤੋਂ ਵੱਧ ਪ੍ਰਭਾਵਿਤ ਹੋਏ ਹਨ?
ਨਾਗਰਿਕ ਸੁਰੱਖਿਆ ਦੀ ਰਾਸ਼ਟਰੀ ਕੋਆਰਡੀਨੇਟਰ, ਲਾਰਾ ਵੇਲਾਜ਼ਕੇਜ਼ ਨੇ ਕਿਹਾ ਕਿ ਹਿਡਾਲਗੋ ਅਤੇ ਵੇਰਾਕਰੂਜ਼ ਸਭ ਤੋਂ ਵੱਧ ਪ੍ਰਭਾਵਿਤ ਰਾਜ ਹਨ। ਵੇਰਾਕਰੂਜ਼ ਵਿੱਚ 29 ਮੌਤਾਂ ਅਤੇ 18 ਲਾਪਤਾ ਹੋਣ ਦੀ ਰਿਪੋਰਟ ਹੈ, ਜਦੋਂ ਕਿ ਹਿਡਾਲਗੋ ਵਿੱਚ 21 ਮੌਤਾਂ ਅਤੇ 43 ਲਾਪਤਾ ਹੋਣ ਦੀ ਰਿਪੋਰਟ ਹੈ। ਪੰਜ ਰਾਜਾਂ ਵਿੱਚ ਨਗਰਪਾਲਿਕਾਵਾਂ ਠੱਪ ਹੋ ਗਈਆਂ ਸਨ, ਪਰ ਹੁਣ ਬਿਜਲੀ ਵੱਡੇ ਪੱਧਰ 'ਤੇ ਬਹਾਲ ਕਰ ਦਿੱਤੀ ਗਈ ਹੈ।
Get all latest content delivered to your email a few times a month.
