ਤਾਜਾ ਖਬਰਾਂ
ਪਾਮ ਸਪ੍ਰਿੰਗਸ (ਅਮਰੀਕਾ), 18 ਮਈ 2025- ਕੈਲੀਫੋਰਨੀਆ ਦੇ ਪਾਮ ਸਪ੍ਰਿੰਗਸ ਸ਼ਹਿਰ ਵਿੱਚ ਸ਼ਨੀਵਾਰ ਨੂੰ ਇੱਕ ਕਲੀਨਿਕ ਦੇ ਬਾਹਰ ਹੋਏ ਇੱਕ ਸ਼ਕਤੀਸ਼ਾਲੀ ਬੰਬ ਧਮਾਕੇ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਅਤੇ 6 ਹੋਰ ਜ਼ਖਮੀ ਹੋ ਗਏ। ਫੈਡਰਲ ਬਿਊਰੋ ਆਫ਼ ਇਨਵੈਸਟੀਗੇਸ਼ਨ (ਐਫਬੀਆਈ) ਨੇ ਇਸ ਘਟਨਾ ਨੂੰ "ਜਾਣਬੁੱਝ ਕੇ ਕੀਤੀ ਗਈ ਅੱਤਵਾਦ ਦੀ ਕਾਰਵਾਈ" ਦੱਸਿਆ ਹੈ। ਐਫਬੀਆਈ ਦੇ ਲਾਸ ਏਂਜਲਸ ਦਫ਼ਤਰ ਦੇ ਮੁਖੀ ਅਕਿਲ ਡੇਵਿਸ ਨੇ ਪ੍ਰੈਸ ਨੂੰ ਦੱਸਿਆ ਕਿ ਘਟਨਾ ਵਾਲੀ ਥਾਂ 'ਤੇ ਕਲੀਨਿਕ ਨੂੰ ਜਾਣਬੁੱਝ ਕੇ ਨਿਸ਼ਾਨਾ ਬਣਾਇਆ ਗਿਆ ਸੀ। ਹਾਲਾਂਕਿ, ਐਫਬੀਆਈ ਨੇ ਇਹ ਦੱਸਣ ਤੋਂ ਇਨਕਾਰ ਕਰ ਦਿੱਤਾ ਕਿ ਇਸਨੂੰ ਅੱਤਵਾਦੀ ਹਮਲਾ ਕਿਉਂ ਮੰਨਿਆ ਅਤੇ ਇਸਦਾ ਆਧਾਰ ਕੀ ਸੀ। ਡੇਵਿਸ ਨੇ ਕਿਹਾ ਕਿ ਮ੍ਰਿਤਕ ਦੀ ਪਛਾਣ ਅਜੇ ਜਾਰੀ ਨਹੀਂ ਕੀਤੀ ਗਈ ਹੈ ਅਤੇ ਇਹ ਸਪੱਸ਼ਟ ਨਹੀਂ ਹੈ ਕਿ ਕੀ ਉਹੀ ਵਿਅਕਤੀ ਹਮਲਾਵਰ ਸੀ। ਇਸ ਮਾਮਲੇ ਤੋਂ ਜਾਣੂ ਦੋ ਕਾਨੂੰਨ ਲਾਗੂ ਕਰਨ ਵਾਲੇ ਅਧਿਕਾਰੀਆਂ ਨੇ ਆਪਣਾ ਨਾਮ ਗੁਪਤ ਰੱਖਣ ਦੀ ਸ਼ਰਤ 'ਤੇ ਕਿਹਾ ਕਿ ਇਸ ਘਟਨਾ ਦੀ ਜਾਂਚ ਸੰਭਾਵੀ ਕਾਰ ਬੰਬ ਵਜੋਂ ਕੀਤੀ ਜਾ ਰਹੀ ਹੈ। ਇੱਕ ਅਧਿਕਾਰੀ ਨੇ ਐਸੋਸੀਏਟਿਡ ਪ੍ਰੈਸ ਨੂੰ ਦੱਸਿਆ ਕਿ ਜਾਂਚਕਰਤਾਵਾਂ ਦਾ ਮੰਨਣਾ ਹੈ ਕਿ ਮਾਰਿਆ ਗਿਆ ਵਿਅਕਤੀ ਸ਼ਾਇਦ ਉਹੀ ਸੀ ਜਿਸਨੇ ਧਮਾਕਾ ਕੀਤਾ ਸੀ, ਪਰ ਜਾਂਚ ਅਜੇ ਸ਼ੁਰੂਆਤੀ ਪੜਾਅ 'ਤੇ ਹੈ।ਪਾਮ ਸਪ੍ਰਿੰਗਜ਼ ਦੇ ਪੁਲਿਸ ਮੁਖੀ ਐਂਡੀ ਮਿੱਲਜ਼ ਨੇ ਇਸ ਘਟਨਾ ਨੂੰ "ਜਾਣਬੁੱਝ ਕੇ ਕੀਤੀ ਗਈ ਹਿੰਸਾ" ਕਿਹਾ ਅਤੇ ਕਿਹਾ ਕਿ ਇਹ ਇੱਕ ਯੋਜਨਾਬੱਧ ਹਮਲਾ ਜਾਪਦਾ ਹੈ। ਸ਼ਹਿਰ ਦੇ ਅਧਿਕਾਰੀਆਂ ਅਨੁਸਾਰ, ਧਮਾਕਾ ਸ਼ਨੀਵਾਰ ਸਵੇਰੇ 11 ਵਜੇ ਦੇ ਕਰੀਬ ਨੌਰਥ ਇੰਡੀਅਨ ਕੈਨਿਯਨ ਡਰਾਈਵ ਨੇੜੇ ਹੋਇਆ। ਲੋਕਾਂ ਨੂੰ ਤੁਰੰਤ ਪ੍ਰਭਾਵ ਨਾਲ ਇਲਾਕੇ ਤੋਂ ਦੂਰ ਰਹਿਣ ਦੀ ਸਲਾਹ ਦਿੱਤੀ ਗਈ।
Get all latest content delivered to your email a few times a month.
