روس دا یوکرین نوں دبکا جے اگے بیلاروس نوں ودھے تاں سبھّ کجھ تباہ ہووےگا

یوکرین نے 17 ستمبر منگلوار 2024 دی رات نوں کیتے ڈرون حملے `چ سرحد توں 500 کلومیٹر دور ٹویر صوبے ستھت ٹوروپیٹس وکھے روسی فوجی اسلحہ بھنڈار نوں نشانہ بنایا۔ ایہہ حملہ اینا بھینکر سی اتھے رکھیاں مزائیلاں-گولے پھٹن لگے تے بھوچال ورگا محسوس کیتا گیا۔ ناسا سیٹلائیٹ نے 14 ورگ کلومیٹر علاقے `چ گرمی دے وڈے سروت پھڑے، جدکہ بھوچال نگرانی سٹیشناں دے سینسر نے علاقے `چ بھوچال ورگا جھٹکا ریکارڈ کیتا۔ حملے دے بعد ستھانک لوکاں نوں اوتھوں نکل کے سرکھیت تھاواں `تے پہنچایا گیا۔ ماسکو توں 380 کلومیٹر دور قریب 11 ہزار دی آبادی والے ٹوروپیٹس `چ کیتے گئے حملے `چ یوکرین `چ بنے 100 توں زیادہ کامکیج ڈروناں دا استعمال کیتا گیا۔
قریب چھ کلومیٹر تکّ پھیلے فوجی بھنڈار `چ اسکینڈر تے ٹوچکا- یو مزائیلاں، گلائیڈ بمب، توپاں دے گولیاں توں علاوہ اتری کوریا دیاں کیئینّ-23 شارٹ رینج بیلسٹک مزائیلاں وی پئیاں ہوئیاں سن۔ حملے دے بعد پورا بھنڈار اگّ تے تیز دھماکیاں نال سڑدا رہا۔ روسی میڈیا دے مطابق، اس بھینکر ڈرون حملے نوں روکن لئی روس دا ایئر ڈفینس سسٹم پورے زور نال کم کر رہا سی۔ اتھے کتھت روپ نال اس حملے دے کجھ ویڈیو آنلائین وی پرسارت کیتے گئے، جیہناں `تے زبردست پرتیکریاواں ہوئیاں ہن۔ رائٹر نے کیلیفورنیا ستھت مونٹیرے `چ مڈلبری انترراشٹری ادھئین سنستھان دے جارج ولیئم ہربرٹ دے حوالے نال کیہا کہ ویڈیو `چ دکھ رہے مکھ وسپھوٹ دا آکار 200-240 ٹن اچے وسپھوٹکاں دے برابر دکھ رہا سی۔
بھارتی ہتھیار نرماتاواں ولوں یورپی گاہکاں نوں ویچے توپاں دے گولے اوہناں نے اگے روس خلاف جنگ وچ ورتن واسطے یوکرین نوں بھیج دتے ہن۔ روس ولوں اس دے کیتے جا رہے ورودھ دے باو جود بھارت اس کاروائی نوں روکن لئی کوئی دخل نہیں دتا۔ بھارتی اسلحہ یوکرین بھیجن والے یورپی ملکاں وچ اٹلی تے چیکّ گنراج وی شامل ہن۔ بھارتی ودیش منترالے نے ایہناں داعویاں نوں خارج کیتا ہے۔ روس خلاف جنگ وچ یورپی ملکاں ولوں دتی جا رہی مدد دو حصے وجوں کیو نوں بھارتی اصلے دی ایہہ سپلائی بیتے قریب سال توں جاری ہے۔ بھارت دے ہتھیاراں دی برآمد سبندھی نیماں تحت ویچے گئے ہتھیاراں نوں ایہناں دے اعلانیہ گاہکاں توں علاوہ کسے ہور ولوں ورتے جان دی مناہی کردے ہن اتے گاہکاں ولوں اجیہا کیتے جان `تے اوہناں نوں بھوکھ وچ ہتھیار دین توں نانہہ کیتی جا سکدی ہے۔ تنّ بھارتی ادھیکاریاں مطابق ماسکو نے گھٹو- گھٹّ دو وار ایہہ معاملہ بھارت کول اٹھایا ہے، جیہناں `چ بیتے جولائی `چ ودیش منتری ایسّ. جیشنکر دی اپنے روسی ہمرتبا سرگیئی لاوروو نال ہوئی میٹنگ وی شامل ہے۔ جنوری مہینے بھارتی ودیش منترالے دے ترجمان رندھیر جیسوال نے کیہا سی کہ بھارت نے یوکرین نوں نہ تاں توپاں دے گولے ویچے ہن اتے نہ ہی بھیجے ہن۔ یوکرین وچ ورتے جا رہے اصلے دا بہت چھوٹا جیہا حصہ ہی بھارت ولوں بنایا جاندا ہے۔ جنگ شروع ہون توں بعد کیو ولوں درامد کیتے اصلے وچ بھارتی اصلے دا حصہ محض 1 فیصدی وی نہیں بندا۔  
روس نے شکروار نوں پچھمی دیشاں تے یوکرین نوں چتاونی دیندے ہوئے کیہا کہ جے اوہ بیلاروس ولّ ودھے تاں اسدا نتیجہ وناش کاری ہووےگا۔ اس توں صاف سپشٹ ہے کہ اجیہا کرنا پرمانو ہتھیاراں دی تعیناتی کرن والے دیش دی سرکھیا `چ دخل کرنا ہووےگا۔ اس دے نال ہی سماں آؤن `تے اوہ یوکرین ولوں کسرک کھیتر دے کیتے گئے قبضے والے حصے `تے مڑ قبضہ کر لویگا۔ بیلاروس دی سرحد `تے اکساوے والی کاروائی ودھن نال روس چنتت ہے۔ اس گلّ توں انکار نہیں کیتا جا سکدا کہ اس نال کھیتر `چ تناء ودھ جاندا ہے۔ چھ اگست نوں حیرانی جنک طور `تے کسرک کھیتر دے وڈے حصے `تے یوکرین نے قبضہ کرن توں بعد روس دے وفادار؉   سہیوگی بیلاروس دے راشٹرپتی الیکزینڈر لکاشینکو نے بناں ثبوت پیش کیتے کیہا کہ سنبھاوی طور `تے یوکرین بیلاروس `تے کھیتر دی النگھنا کر رہے ہن۔ بیلاروس نال لگدی سرحد `تے وادھو فوجیاں دی تعیناتی کر رہا ہے۔ یوکرین نے کیہا کہ اسنے سرحدی کھیتر `چ کوئی اہم بدلاء نہیں کیتے ہن۔ روسی ودیش منترالے دی بلارن زکھارووا نے کیہا کہ سانوں کھیتر `چ یوکرینی سرکھیا پھورساں دیاں شکی سرگرمیاں دی جانکاری ملی ہے۔ اسیں اس معاملے `چ تتھاں دی گھوکھ کر رہے ہاں۔اس وچالے، یوکرین دے راشٹرپتی ولودومیر زیلینسکی نے کیہا کہ روس دے ورودھ اسدی جت یوجنا سہیوگیاں دے فیصلے `تے نربھر کردی ہے۔