بے ادبی دے دوشیاں نوں مثالی سزا دواؤن لئی درڑھ وچنبدھّ ہاں-مکھ منتری

بولدا پنجاب بیورو
چنڈی گڑھ، 4 ستمبر
          پنجاب دے مکھ منتری بھگونت سنگھ مان نے اج کیہا کہ صوبہ سرکار بے ادبی گھٹناواں دے دوشیاں نوں مثالی سزا دواؤن لئی درڑھ وچنبدھّ ہے اتے اس معاملے اتے تازہ رپورٹ چھیتی ہی دائر کیتی جاوے گی۔
    پنجاب  ودھان سبھا دے اجلاس دوران بحث ’چ حصہ لیندیاں مکھ منتری نے کیہا صوبہ سرکار نوں بے ادبی گھٹناواں وچّ وڈے سراغ ملے ہن اتے تازہ رپورٹ ایہہ یقینی بنائےگی کہ دوشیاں نوں اوہناں دے گناہاں دی مثالی سزا ملے۔ اوہناں کیہا کہ صوبہ سرکار ولوں ایہہ رپورٹ قانونی نظرثانی لئی پہلاں ہی بھیجی جا چکی ہے تاں کہ اس اپرادھ لئی ذمہ وار لوک قنون دے شکنجے توں بچ نہ نکلن۔ بھگونت سنگھ مان نے کیہا کہ اوہ دن دور نہیں جدوں اس گھناؤنے اپرادھ دے دوشی جیل دیاں شلاکھاں پچھے ہون گے۔ اوہناں کیہا کہ پچھلیاں سرکاراں دے الٹ اوہ اس معاملے وچّ کوئی قصر باقی نہیں چھڈنگے۔
    اس سنویدنشیل معاملے پرتی نرم پہنچ اپناؤن لئی پچھلیاں سرکاراں دی سخت الوچنا کردیاں مکھ منتری نے کیہا کہ ایہناں سرکاراں دی ڈھلمٹھّ کرکے نہ-مواپھییوگ جرم کرکے سکھاں دے ہردیاں نوں ٹھیس پہنچاؤن والے ذمہ وار لوک اجے وی آزاد پھر رہے ہن۔ صوبے وچّ بے ادبی گھٹناواں دے دوشیاں نوں سزا دواؤن لئی اپنی سرکار دی درڑھ وچنبدھتا نوں دہراؤندیاں مکھ منتری نے کیہا کہ اوہناں دی سرکار دا ایہہ فرض ہے کہ گھناؤنے اپرادھ دے دوشیاں نوں سخت سزا دوائی جاوے۔ بھگونت سنگھ مان نے کیہا کہ جس وی ویکتی دی اپرادھ وچّ شمولیت ہے، اس نوں گناہاں دی کرڑی سزا دوائی جاوے گی۔
مکھ منتری نے کیہا کہ کیندر سرکار بغیر سوچے سمجھے اتے لوکاں دی صلاح توں بناں اپنیاں نیتیاں لاگوُ کردی ہے جدکہ اس دے الٹ صوبہ سرکار لوکاں دی صلاح نال ہی نیتیاں گھڑدی ہے۔ اوہناں کیہا کہ صوبے دی کھیتی نیتی دا کھرڑا سارے بھائیوالاں نال صلاح-مشورہ کرن توں بعد تیار کیتا جا رہا ہے کیوں جو ادیوگک نیتی وی ادیوگپتیاں نال صلاح-مشورے توں بعد لاگوُ کیتی گئی سی۔ بھگونت سنگھ مان نے کیہا کہ صوبہ سرکار کیبنٹ رینک دے چیئرمین نال ادیوگک صلاح کار کمیشن گٹھت کرن 'تے وچار کر رہی ہے جس وچّ وڈے صنعتکار وی شامل کیتے جانگے۔
مکھ منتری نے کیہا کہ پنچائتی چوناں چھیتی ہی کروائیاں جانگیاں اتے ایہہ امیدوار پارٹی دے چون نشان توں بناں چوناں لڑنگے۔ اوہناں کیہا کہ اس نال پنڈاں وچوں دھڑیبندی دور ہوویگی اتے پنڈاں دا سربپکھی وکاس ہووےگا۔ بھگونت سنگھ مان نے کیہا کہ صوبہ سرکار نے وڈیرے جنتک ہتاں لئی امیدواراں نوں پارٹی دے چون نشان 'تے چون لڑن توں روک دتا ہے۔ مکھ منتری نے کیہا کہ جہڑا وی پنڈ سربسمتی نال پنچائت دی چون کریگا، اس پنڈ نوں 5 لکھ روپئے دی گرانٹ توں علاوہ سٹیڈیم جاں سکول جاں ہسپتال دتا جاوے گا۔
مکھ منتری نے کیہا کہ صوبہ سرکار نے ویٹ دے لٹکدے کیساں لئی یکمشت نبیڑا سکیم (او.ٹی.ایس.) نوں سفلتا پوروک لاگوُ کیتا ہے۔ اوہناں کیہا کہ اس او.ٹی.ایس. راہیں پچھلے وتی ورھے دے مقابلے سرکار نے 164 کروڑ روپئے توں ودھ کمائے ہن۔ اوہناں کیہا کہ آگامی دناں وچّ وی نویں او.ٹی.ایس. لیاندی جاوے گی۔ بھگونت سنگھ مان نے کیہا کہ پچھلیاں سرکاراں دوران اجہیاں یکمشت نبیڑا سکیماں صرف چھلاوا ہندیاں سن کیونکہ ایہناں دا کسے نوں کوئی لابھ نہیں ملدا سی۔
مکھ منتری نے ‘فائر اینڈ ایمرجینسی سروس بلّ’ پیش کیتا جس نوں ودھان سبھا ولوں سربسمتی نال پاس کیتا گیا۔ اوہناں کیہا کہ ایہہ اک اتہاسک پہل قدمی ہے جو صوبے وچّ مہلا سشکتیکرن نوں ہور یقینی بناؤن لئی راہ پدھرا کریگی۔ بھگونت سنگھ مان نے کیہا کہ ایہہ بلّ سمیں دی لوڑ ہے تاں جو ایہہ یقینی بنایا جا سکے کہ عورتاں دیش دے سماجک آرتھک وکاس وچّ سرگرم حصےدار بن سکن۔
مکھ منتری نے اگے کیہا کہ فائر برگیڈ سٹاف وچّ عورتاں دی بھرتی کرن لئی سریرک ماپدنڈ بدلن لئی نیماں وچّ لوڑیندیاں سودھاں کیتیاں جا رہیاں ہن۔ اوہناں کیہا کہ پچھلیاں سرکاراں وچوں کسے نے وی ایہناں نیماں نوں بدلن دی کھیچل نہیں کیتی کیونکہ اوہناں نوں لوکاں دیاں سمسیاواں دی کوئی پرواہ نہیں سی۔ بھگونت سنگھ مان نے اعلان کیتا کہ فائر برگیڈ سٹاف وچّ لڑکیاں دی بھرتی کرن والا پنجاب، دیش دا پہلا صوبہ ہووےگا۔
مکھ منتری نے کیہا کہ ایہہ سدھار سمیں دی لوڑ ہے کیونکہ سکائی سکریپراں اتے بھیڑ-بھڑکے والیاں سڑکاں دے مدنظر فائر برگیڈ نوں آدھونک قسم دے واہن مہیا کروائے جانے ہن۔ اوہناں کیہا کہ صوبہ سرکار عام آدمی دی بھلائی لئی اپنے کم کاج وچّ کرانتی کاری تبدیلیاں لیاؤن لئی تیار ہے۔ بھگونت سنگھ مان نے کیہا کہ صوبے دے سربپکھی وکاس اتے لوکاں دی خوش حالی لئی ہر سنبھوَ یتن کیتے جا رہے ہن۔
بھاجپا آگوآں نوں آڑے ہتھیں لیندیاں مکھ منتری نے ودھائک سندیپ جاکھڑ نوں چنوتی دتی کہ اوہ اپنے انکل تے بھاجپا دے صوبائی پردھان سنیل جاکھڑ نوں کوئی بیان دین توں پہلاں تتھاں دی تصدیق کر لین لئی آکھن۔ بھگونت سنگھ مان نے کیہا کہ اوہناں ولوں کیندری منتری جے.پی. نڈا کول ایہہ مدعا چکن مگروں صوبے وچّ ڈی.اے.پی. خاد دی سپلائی شروع ہو گئی سی۔ اوہناں کیہا کہ اس مدعے اتے بھاجپا آگوُ بے بنیاد، غیر-زمیوارانا تے ترکہین بیان دے رہے ہن، جہڑے غیر-واجب تے بے لوڑے ہن۔