ਤਾਜਾ ਖਬਰਾਂ
ਕੰਵਰਜੀਤ ਸਿੰਘ ਜੈਂਟੀ
ਜ਼ੀਰਾ 01 ਮਾਰਚ ,
ਜੀਰੇ ਦੇ ਇਕ ਰੈਸਟੋਰੈਂਟ ਵਿਚ ਦਿਨ ਦਿਹਾੜੇ ਵਾਪਰੀ ਗੋਲੀਬਾਰੀ ਦੀ ਘਟਨਾ ਵਿਚ ਇਕ ਨੌਜਵਾਨ ਨੂੰ ਗੋਲੀਆਂ ਮਾਰ ਕੇ ਛਲਣੀ ਕਰ ਦਿੱਤਾ ਗਿਆ ।
ਜ਼ੀਰਾ ਦੇ ਤਲਵੰਡੀ ਰੋਡ ’ਤੇ ਸਥਿਤ ਹੋਕਰ ਰੈਸਟੋਰੈਂਟ ਵਿੱਚ ਇਹ ਘਟਨਾ ਵਾਪਰੀ ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਹਾਕਰ ਰੈਸਟੋਰੈਂਟ ਵਿਚ ਦੋ ਨੌਜਵਾਨ ਕਰੀਬ 12 ਵਜੇ ਉਨ੍ਹਾਂ ਦੇ ਰੈਸਟੋਰੈਂਟ ’ਤੇ ਆਏ ਅਤੇ ਪੀਜ਼ਾ ਆਰਡਰ ਕੀਤਾ ।
ਇਸ ਤੋਂ ਥੋੜ੍ਹੀ ਦੇਰ ਬਾਅਦ ਦੋ ਨੌਜਵਾਨ ਹੋਰ ਆ ਗਏ ਜੋ ਉਨ੍ਹਾਂ ਨਾਲ ਹੀ ਅੰਦਰ ਕੈਬਿਨ ਵਿਚ ਬੈਠ ਗਏ।
ਇਸ ਤੋਂ ਬਾਅਦ ਇਹ ਨਹੀਂ ਸਪੱਸ਼ਟ ਹੋ ਸਕਿਆ ਕਿ ਇਨ੍ਹਾਂ ਦਰਮਿਆਨ ਆਖ਼ਰ ਕਿਸ ਗੱਲ ਤੋਂ ਝਗੜਾ ਇੰਨਾ ਵਧਿਆ ਕਿ ਗੱਲ ਮਾਰਨ ਮਰਵਾਉਣ ਤਕ ਪਹੁੰਚ ਗਈ ।
ਰੈਸਟੋਰੈਂਟ ਦੇ ਕਰਮਚਾਰੀਆਂ ਅਨੁਸਾਰ ਕੁਝ ਸਮੇਂ ਬਾਅਦ ਉਨ੍ਹਾਂ ਨੂੰ ਪਟਾਕਿਆਂ ਦੀ ਆਵਾਜ਼ਾਂ ਸੁਣਾਈ ਦਿੱਤੀ, ਉਨ੍ਹਾਂ ਨੇ ਸਮਝਿਆ ਕਿ ਸ਼ਾਇਦ ਬਿਜਲੀ ਦਾ ਸ਼ਾਰਟ-ਸਰਕਟ ਹੋਇਆ ਹੈ।
ਇਸ ਤੋਂ ਬਾਅਦ ਜਦੋਂ ਉਨ੍ਹਾਂ ਅੰਦਰ ਜਾ ਕੇ ਦੇਖਿਆ ਤਾਂ ਗੋਲੀਆਂ ਦਾ ਸ਼ਿਕਾਰ ਹੋਇਆ ਨੌਜਵਾਨ ਲੱਥਪੱਥ ਹੋਇਆ ਤੜਫ ਰਿਹਾ ਸੀ ।
ਪੁਲੀਸ ਵੱਲੋਂ ਸੀ ਸੀ ਟੀ ਵੀ ਕੈਮਰਿਆਂ ਦੀ ਰਿਕਾਰਡਿੰਗ ਦੇ ਆਧਾਰ ਤੇ ਕਾਰਵਾਈ ਕੀਤੀ ਜਾ ਰਹੀ ਹੈ ।
Get all latest content delivered to your email a few times a month.
