قلعہ رہمتگڑ وکھے مدرسہ 'جامیہ رابعہ سدیکا لل بانات' دی ہوئی شروعات

محمد اسمٰعیل ایشیا

ملیرکوٹلا،4 نومبر ،2024 - مدرسہ 'جامیہ رابعہ سدیکا لل بانات' نابھہ روڈ، قلعہ رہمتگڑھ ملیرکوٹلا وکھے محمد ارشد ایم.ڈی. کمپیٹیشن اکیڈمی، چودھری حاجی محمد شمشاد اتے محمد اسلم اباسپرا دی رہنمائی ہیٹھ اک اسلامک سماروہ کروایا گیا۔ جس وچ مکھ مہمان وجوں شاہی امام پنجاب حضرت مولانا محمد عثمان رحمٰن لدھیانوی نے مکھ مہمان وجوں شرکت کیتی اتے حضرت مولانا محمد عابد قاسمی پرنسپل مخدوم پبلک سکول پانیپت ہریانہ نے سماروہ دی پردھانگی کیتی، حضرت مولانا محمد راشد ندوی پانیپت ہریانہ نے وشیش مہمان وجوں شرکت کیتی اتے اس موقعے اچیچے طور 'تے برنالہ دے ودھیک ڈپٹی کمیشنر لطیف احمد تھند نے وی اس سماروہ وچ شرکت کر کے پربندھکاں دی حوصلہ افزائی کیتی۔ اس موقعے وڈی گنتی وچ حاضر مرداں اتے عورتاں نوں سمبودھن کردیاں شاہی امام پنجاب جناب حضرت مولانا محمد عثمان رحمٰن لدھیانوی نے کیہا کہ جہڑے لوک کسے وی کھیتر وچ ترقیاں کردے ہن نوں پیسیاں دی نہیں، اصلے دی نہیں، عمارتاں دی نہیں بلکہ اوہناں نوں سبھ توں ودھ جو لوڑ پیندی ہے اس دا ناں ہے تعلیم۔ سانوں اپنے بچیاں نوں دنیاوی تعلیم دے نال نال دھارمک تعلیم وی پہل دے آدھار تے ضرور دینی چاہیدی ہے۔ اوہناں کیہا کہ دھرم چاہے کوئی وی ہووے ہریک دھرم دے لوکاں نوں پہلاں اپنے-اپنے بچیاں نوں اپنے-اپنے دھرم نال جوڑنا چاہیدا ہے، جس نال بچیاں اندر اپنے اپنے دھرماں پرتی آستھا اتے وشواس پکا ہووےگا۔ اوہناں کیہا کہ دھارمک ودیا توں بناں کوئی وی ویکتی اپنے ربّ دی صحیح طریقے نال پچھان نہیں کر سکدا۔ اس موقعے اوہناں نے خطاب کردیاں کیہا کہ سانوں اپنے اپنے بچیاں نوں دنیں تعلیم دے نال نال پردے وچ رہِ کے ہریک کھیتر وچ پڑھائی کر کے اگے ودھنا چاہیدا ہے۔ اوہناں کیہا کہ پیغمبر حضرت محمد صاحب دے طریقیاں تے چلکے ساڈے بچے دنیاوی تعلیم دے نال نال دھارمک تعلیم نوں وی ضرور سکھن، کیونکہ دھرم ہی سانوں حرام-حلال، اچھے-برے دی پچھان کرواؤندا ہے۔ اس موقعے نویں شروع کیتے گئے مدرسہ 'جامیہ رابعہ سدیکا لل بانات' نابھہ روڈ، قلعہ رہمتگڑھ ملیرکوٹلا وکھے شروع کیتے گئے مدرسہ وکھے پہلیاں پنج بچیاں نوں حضرت مولانا محمد عثمان رحمٰن لدھیانوی نے پہلا سبق پڑھا کے شروعات کیتی گئی اتے اوہناں اس موقعے سربتّ دے بھلے دی دعا وی کروائی گئی۔ اس موقعے وڈی گنتی وچ حاضرین نے دعا وچ شرکت کیتی۔ سٹیج دی کاروائی مولانا مفتی محمد موسیٰ قاسمی نے باخوبی نبھائی اتے آئے ہوئے سارے ہی مہماناں اتے پتونتیاں دا اچیچے طور 'تے دھنواد کیتا۔