.ਲਾੜਾ ਹਿੰਦੁਸਤਾਨੀ ਲਾੜੀ ਪਾਕਿਸਤਾਨੀ ਆਨਲਾਇਨ ਸ਼ਾਦੀ

ਬੋਲਦਾ ਪੰਜਾਬ ਬਿਊਰੋ
ਜੋਨਪੁਰ/ ਲਾਹੌਰ 20 ਅਕਤੂਬਰ 2024, ਵੀਜ਼ਾ ਨਾ ਮਿਲਣ ਕਾਰਨ ਨਹੀਂ ਜਾ ਸਕਿਆ ਲਾੜਾ ਪਾਕਿਸਤਾਨ

ਅਤੇ ਨਾ ਹੀ ਦੁਲਹਨ ਆ ਸਕੀ ਹੈ ਇੰਡੀਆ ਇਸ ਲਈ ਆਨਲਾਈਨ ਕਰਵਾਈ ਗਈ ਸ਼ਾਦੀ l
   ਆਲਰੈਡੀ ਇਹਨਾਂ ਦੀ ਹੋ ਚੁੱਕੀ ਸੀ ਮੰਗਣੀ, ਲੜਕੀ ਦੀ ਮਾਂ ਦੀ ਤਬੀਅਤ ਵੀ ਨਹੀਂ ਸੀ ਠੀਕ ਇਸ

ਲਈ ਪਹਿਲਾਂ ਸ਼ਾਦੀ ਕਰਵਾ ਲਈ ਗਈ ਅਤੇ ਹੁਣ ਬਾਅਦ ਵਿੱਚ ਸਰਕਾਰ ਕੋਲੋਂ ਵੀਜਾ ਮੰਗਿਆ ਜਾਏਗਾ l

ਪਾਕਿਸਤਾਨ ਅਤੇ ਭਾਰਤ ਨੂੰ ਰਵਾਇਤੀ ਵਿਰੋਧੀ ਮੰਨਿਆ ਜਾਂਦਾ ਹੈ, ਇਸ ਲਈ ਜਦੋਂ ਵੀ ਦੋਵਾਂ ਦੇਸ਼ਾਂ ਦੇ

ਨਿਵਾਸੀਆਂ ਵਿਚਕਾਰ ਪ੍ਰੇਮ ਕਹਾਣੀ ਸਾਹਮਣੇ ਆਉਂਦੀ ਹੈ ਤਾਂ ਇਹ ਚਰਚਾ ਦਾ ਵਿਸ਼ਾ ਬਣ ਜਾਂਦੀ ਹੈ।
ਪਾਕਿਸਤਾਨ ਤੋਂ ਭਾਰਤ ਗਈ ਸੀਮਾ ਹੈਦਰ ਅਤੇ ਪਾਕਿਸਤਾਨ ਤੋਂ ਭਾਰਤ ਆਈ ਅੰਜੂ ਦੀ ਕਹਾਣੀ ਅਜੇ

ਪੁਰਾਣੀ ਨਹੀਂ ਹੋਈ ਕਿ ਸਰਹੱਦ ਪਾਰ ਤੋਂ ਇਕ ਹੋਰ ਅਜਿਹੀ ਕਹਾਣੀ ਸਾਹਮਣੇ ਆਈ ਹੈ, ਜਿਸ ਵਿਚ

ਦੱਸਿਆ ਗਿਆ ਹੈ ਕਿ ਪਿਆਰ ਅਤੇ ਵਿਆਹ ਸਰਹੱਦਾਂ ਨਾਲ ਨਹੀਂ ਬੱਝੇ ਹੁੰਦੇ।

ਭਾਰਤ ਦੇ ਉੱਤਰ ਪ੍ਰਦੇਸ਼ ਰਾਜ ਵਿੱਚ ਭਾਰਤੀ ਜਨਤਾ ਪਾਰਟੀ ਦੇ ਇੱਕ ਨੇਤਾ ਦੇ ਪੁੱਤਰ ਨੇ ਇੱਕ

ਪਾਕਿਸਤਾਨੀ ਕੁੜੀ ਨਾਲ ਆਨਲਾਈਨ ਵਿਆਹ ਕਰਵਾ ਲਿਆ ਹੈ।
ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਕਾਰਪੋਰੇਟਰ ਤਹਿਸੀਨ ਸ਼ਾਹਿਦ ਨੇ ਆਪਣੇ ਵੱਡੇ ਬੇਟੇ ਮੁਹੰਮਦ ਅੱਬਾਸ ਹੈਦਰ ਦਾ

ਵਿਆਹ ਲਾਹੌਰ ਦੀ ਰਹਿਣ ਵਾਲੀ ਅੰਦਾਲਿਬ ਜ਼ਾਹਰਾ ਨਾਲ ਕਰਵਾਇਆ ਸੀ।
ਅਪਲਾਈ ਕਰਨ ਦੇ ਬਾਵਜੂਦ ਦੋ ਗੁਆਂਢੀ ਦੇਸ਼ਾਂ ਵਿਚਾਲੇ ਚੱਲ ਰਹੇ ਸਿਆਸੀ ਤਣਾਅ ਕਾਰਨ ਲਾੜੇ ਨੂੰ ਵੀਜ਼ਾ ਨਹੀਂ ਮਿਲ ਸਕਿਆ।
ਸਥਿਤੀ ਉਸ ਸਮੇਂ ਹੋਰ ਵੀ ਔਖੀ ਹੋ ਗਈ ਜਦੋਂ ਲਾੜੀ ਦੀ ਮਾਂ ਯਾਸਮੀਨ ਜ਼ੈਦੀ ਬੀਮਾਰ ਹੋ ਗਈ ਅਤੇ ਉਨ੍ਹਾਂ ਨੂੰ ਆਈ ਸੀ ਯੂ ਵਿੱਚ ਦਾਖਲ ਕਰਵਾਇਆ ਗਿਆ।

ਇਨ੍ਹਾਂ ਹਾਲਾਤਾਂ ਵਿੱਚ ਭਾਜਪਾ ਆਗੂ ਨੇ ਵਿਆਹ ਸਮਾਗਮ ਆਨਲਾਈਨ ਕਰਵਾਉਣ ਦਾ ਫੈਸਲਾ ਕੀਤਾ ਹੈ।
ਸ਼ੁੱਕਰਵਾਰ ਰਾਤ ਨੂੰ ਬਾਰਾਤੀਆਂ ਦਾ ਇਕੱਠ ਹੋਇਆ ਅਤੇ ਵਿਆਹ ਦੀ ਰਸਮ ਆਨਲਾਈਨ ਹੋਈ, ਜਿਸ ਵਿਚ ਲਾਹੌਰ ਤੋਂ ਲਾੜੀ ਦੇ ਪਰਿਵਾਰ ਨੇ ਹਿੱਸਾ ਲਿਆ।
ਨੌਜਵਾਨ ਅੱਬਾਸ ਹੈਦਰ ਨੂੰ ਉਮੀਦ ਸੀ ਕਿ ਉਸ ਦੀ ਪਤਨੀ ਨੂੰ ਬਿਨਾਂ ਕਿਸੇ ਸਮੱਸਿਆ ਦੇ ਭਾਰਤੀ ਵੀਜ਼ਾ ਮਿਲ ਜਾਵੇਗਾ।
ਭਾਰਤੀ ਜਨਤਾ ਪਾਰਟੀ ਵਿਧਾਨ ਪ੍ਰੀਸ਼ਦ (ਐੱਮਐੱਲਸੀ) ਦੇ ਮੈਂਬਰ ਬ੍ਰਿਜੇਸ਼ ਸਿੰਘ ਪਰਸ਼ੂ ਅਤੇ ਹੋਰ ਮਹਿਮਾਨਾਂ

ਨੇ ਵਿਆਹ ਸਮਾਗਮ ਵਿੱਚ ਸ਼ਿਰਕਤ ਕੀਤੀ ਅਤੇ ਲਾੜੇ ਦੇ ਪਰਿਵਾਰ ਨੂੰ ਵਧਾਈ ਦਿੱਤੀ।