ਨਿਰਦਈ ਬਾਪ ਨੇ ਆਪਣੇ ਨਿਆਣੇ ਬੱਚੇ , ਪਤਨੀ ਅਤੇ ਸੱਸ , ਸਹੁਰਾ ਸਮੇਤ ਪੰਜ ਜਣੇ ਜ਼ਿੰਦਾ ਸਾੜੇ

Bolda Punjab

ਮਹਿਤਪੁਰ / ਜਲੰਧਰ 18 ਅਕਤੂਬਰ ,  ਬੀਤੀ 17 - 18 ਅਕਤੂਬਰ 2022 ਦੀ ਦਰਮਿਆਨੀ ਰਾਤ ਨੂੰ ਉਸ ਥਾਣਾ ਮਹਿਤਪੁਰ ਜ਼ਿਲ੍ਹਾ ਜਲੰਧਰ ਦੇ ਦਰਿਆ ਸਤਲੁਜ ਨਾਲ ਲਗਦੇ ਖੇਤਰ ਵਿੱਚ ਇਕ ਨਿਰਦਈ ਬਾਪ ਨੇ ਆਪਣੇ ਦੋ ਬੱਚਿਆਂ , ਪਤਨੀ ਅਤੇ ਸੱਸ ਸਹੁਰਾ ਨੂੰ ਜਿੰਦਾ ਸਾੜ ਕੇ ਕਤਲ ਕਰ ਦਿੱਤਾ ।
   ਇਸ ਦੀ ਪਤਨੀ ਅਤੇ ਬੱਚੇ ਪੇਕੇ ਪਰਿਵਾਰ ਕੋਲ ਆਏ ਹੋਏ ਸੀ ਕਿ ਰਾਤ ਨੂੰ ਇਹ ਵਿਅਕਤੀ ਆਇਆ ਅਤੇ ਉਸ ਨੇ ਆਪਣੀ ਪਤਨੀ ਪਰਮਜੀਤ ਕੌਰ  (28 ) ,  ਬੇਟੀ ਅਰਸ਼ਦੀਪ ਕੌਰ ( 7 ਸਾਲ ) ਬੇਟਾ ਗੁਰਮੋਹਲ  (5 ਸਾਲ )
  ਸਹੁਰਾ ਸੁਰਜਨ ਸਿੰਘ ( 58 ) ਅਤੇ ਸੱਸ ਜੋਗਿੰਦਰੋ  ਉਪਰ ਪੈਟਰੌਲ ਛਿੜਕ ਕੇ ਅੱਗ ਲਗਾ ਦਿੱਤੀ ।
  ਯਕਦਮ ਅੱਗ ਲੱਗਣ ਤੋਂ ਬਾਅਦ ਸੜ ਰਹੇ ਇਨ੍ਹਾਂ ਬੇਦੋਸ਼ਿਆਂ ਨੇ ਵੱਡੀਆਂ ਚੀਕਾਂ ਕੂਕਾਂ ਮਾਰੀਆਂ  ।
  ਇਸ ਪਾਪੀ ਵੱਲੋਂ ਅੱਗ ਲਗਾਉਣ ਤੋਂ ਬਾਅਦ ਬਾਹਰੋਂ ਕੁੰਡਾ ਲਗਾ ਦਿੱਤਾ ਗਿਆ ਸੀ  । ਅੱਗ ਲਗਾਉਣ ਨਾਲ ਇਹ ਬੁਰੀ ਤਰ੍ਹਾਂ ਝੁਲਸ ਗਏ  ।
   ਦਮ ਘੁਟਣ ਅਤੇ ਸਰੀਰ ਉਪਰੋਂ ਚਮੜੀ ਲਹਿ ਜਾਣ ਕਾਰਨ ਇਨ੍ਹਾਂ ਪੰਜ ਪਰਿਵਾਰਕ ਮੈਂਬਰਾਂ ਦੀ ਮੌਤ ਹੋ ਗਈ ।
   ਦੋਸ਼ੀ ਵਾਰਦਾਤ ਕਰਨ ਤੋਂ ਬਾਅਦ ਫ਼ਰਾਰ ਹੋ ਗਿਆ  ।
   ਪੁਲਿਸ ਵੱਲੋਂ ਦੋਸ਼ੀ ਨੂੰ ਗ੍ਰਿਫਤਾਰ ਕਰਨ ਲਈ ਵੱਡੀ ਪੱਧਰ ਤੇ ਕਾਰਵਾਈ ਜਾਰੀ ਹੈ  ।
   ਮ੍ਰਿਤਕ ਦੇਹਾਂ ਨਕੋਦਰ ਦੇ ਸਿਵਲ ਹਸਪਤਾਲ ਵਿੱਚ ਪੋਸਟਮਾਰਟਮ ਲਈ ਪਈਆਂ ਸੀ  ।